சேலம்: தமிழக காங்., தலைவர் செல்வப்பெருந்தகை குறித்து அவதுாறு பேசியதாக, பா.ஜ., மாநில தலைவர் அண்ணாமலையை கண்டித்து, சேலம் கோட்டை மைதானத்தில், காங்., சார்பில் நேற்று ஆர்ப்பாட்டம் நடந்தது. மாநகர் மாவட்ட தலைவர் பாஸ்கர் தலைமை வகித்தார்.அதில் அண்ணாமலையை கண்டித்து கோஷம் எழுப்பியதோடு, அவரது படத்தை கிழித்து வீசினர். அங்கு பாதுகாப்புக்கு நின்றிருந்த போலீசார் தடுத்ததால், சிறிது நேரம் தள்ளுமுள்ளு ஏற்பட்டது. பொருளாளர் ராஜகணபதி, வர்த்தக பிரிவு தலைவர் சுப்ரமணியம் உள்பட பலர் பங்கேற்றனர்.