கடந்த வாரம், 10 கிலோ கிடா, 4,000 முதல், 5,500 ரூபாய் வரை விற்றநிலையில் நேற்று, 4,500 முதல், 6,500 ரூபாய் வரை விலைபோனது. அதேபோல், கடந்த வாரம், 10 கிலோ பெண் ஆடு, 3,500 முதல், 4,000 ரூபாய் வரை விற்ற நிலையில், நேற்று, 3,800 முதல், 5,000 ரூபாய் வரை விற்பனையானது. பக்ரீத் பண்டிகையை முன்னிட்டு, ஆடுகள் விற்பனை அமோகமாக நடந்ததால், விவசாயிகள் மகிழ்ச்சி அடைந்தனர். இதன்மூலம், 50 லட்சம் ரூபாய் வரை விற்பனை நடந்ததாக, வியாபாரிகள் தெரிவித்தனர்.

விவசாயிகள் கூறுகையில், 'பக்ரீத் மட்டுமின்றி, அயோத்தியாப்பட்டணம், அரூர், வாழப்பாடி, பெத்தநாயக்கன்பாளையம் உள்ளிட்ட சுற்றுவட்டார பகுதிகளில் கோவில் பண்டிகைகளில் நேர்த்திக்கடன் செலுத்த, ஏராளமானோர் ஆடுகளை வாங்க வந்ததால் விற்பனை களைகட்டியது' என்றனர்.