சேலம் மாவட்டம் ஆத்துார் அருகே அரசு பள்ளியில், 7ம் வகுப்பு மாணவிக்கு பாலியல் தொந்தரவு கொடுத்த, அதே பள்ளி பிளஸ் 1 மாணவர்கள், 3 பேர் கைதாகி, சேலம் கூர்-நோக்கு இல்லத்தில் அடைக்கப்பட்டனர். இதுகுறித்து போலீசா-ருக்கு தகவல் தெரிவிக்காமல் மறைத்த, தலைமை ஆசிரியர் முத்-துராமன், ஆசிரியர்கள் ராஜேந்திரன், பானுப்ரியாவை கைது செய்து, சேலம், 'போக்சோ' நீதிமன்றத்தில் ஆஜர்படுத்தினர். பின் அவர்கள், ஜாமினில் விடுவிக்கப்பட்டனர்.

இதில் கட்டப்பஞ்சாயத்து நடத்தியதாக கூறப்படும், தி.மு.க.,வை சேர்ந்த, பி.டி.ஏ., தலைவர் ஜோதி, நேற்று ஆத்துார் மகளிர் ஸ்டேஷனில் ஆஜரானார். அவரிடம் போலீசார், 4 மணி நேரம் விசாரித்து அனுப்பினர்.

இதுகுறித்து போலீசார் கூறுகையில், 'பி.டி.ஏ., தலைவர் ஜோதி, கட்டப்பஞ்சாயத்து நடத்தியதாக, பா.ஜ., - அ.தி.மு.க.,வினர் புகார் தெரிவித்தனர். இதுதொடர்பாக, 'சம்மன்' கொடுத்து, ஜோதியிடம் விசாரணை நடந்தது. மறுவிசாரணைக்கு ஆஜராக அறிவுறுத்தப்பட்டுள்ளது. இருப்பினும் அவர் மீதான புகாருக்கு-ரிய ஆதாரங்கள் சேகரிக்கப்பட்டு வருகின்றன. அதை பொறுத்து நடவடிக்கை இருக்கும்' என்றனர்.

சேலம் முதன்மை கல்வி அலுவலர் கபீர் கூறுகையில், ''வழக்கு தொடர்பான அறிக்கை போலீசாரிடம் பெறப்பட்டு, தலைமை ஆசிரியர் உள்பட 3 ஆசிரியர்கள் மீதும், துறை நடவடிக்கை மேற்-கொள்ளப்படும்,'' என்றார்.

பள்ளியின் பி.டி.ஏ., தலைவர் தி.மு.க.,வை சேர்ந்தவர் என்-பதால், அவரை கைது செய்வதில் போலீசார் ஆர்வம் காட்ட-வில்லை என , எதிர் கட்சியினர் குற்றம்சாட்டியுள்ளனர். அதே நேரம் ஆதாரங்கள் சேகரித்துள்ள போலீசாருக்கு, அவரை கைது செய்வதற்கு, 'கிரீன் சிக்னல்' கிடைக்கவில்லையா என்ற சந்தேகம் எழுந்துள்ளது.