அதன் நிறைவு விழாவில், கோகுலம் மருத்துவமனை நிர்வாக இயக்குனர் அர்த்தனாரி தலைமை வகித்தார். கோகுலம் செவிலியர் கல்லுாரி முதல்வர் தமிழரசி வரவேற்றார். நிகழ்ச்சி அறிக்கையை, குழந்தைகள் நல செவிலியர் துறைத்தலைவி நாகலட்சுமி வாசித்தார்.வினாடி - வினா போட்டியில், முதல் மூன்று இடங்கள் முறையே, கோவை, பி.எஸ்.ஜி., செவிலியர் கல்லுாரி; சேலம் அரசினர் செவிலியர் கல்லுாரி; கோவை, கே.எம்.சி.ஹெச்., கல்லுாரி அணிகள் பிடித்தன. அந்த அணிகளின் மாணவ, மாணவியருக்கு கேடயங்கள், சான்றிதழ்கள் வழங்கப்பட்டன. கோகுலம் செவிலியர் கல்லுாரி துணை முதல்வர் காமினி சார்லஸ் உள்பட பலர் பங்கேற்றனர்.