சேலம், சீரங்காபாளையம், ராஜாஜி தெருவை சேர்ந்த தொழில் அதிபர் ரவிக்குமார், 51. இவர் சேலம், திருச்செங்கோடு, கோவை, உடுமலைப்பேட்டை உள்ளிட்ட இடங்களில், சொந்த-மாக நுால் மில் நடத்தினார். தொழில் நஷ்டத்தால் கடைசியாக கோவையில் உள்ள மில்லை மட்டும் நடத்தி வந்தார். அதை வைத்து வங்கியில் 35 கோடி ரூபாய் கடன் பெற்று, அதை திருப்பி செலுத்தாததால், சமீபத்தில் அந்த நுால் மில் ஜப்தி செய்-யப்பட்டது.கோவை நுால் மில்லை நம்பி, 1.5 கோடி ரூபாய் கடன் கொடுத்த ஈரோட்டை சேர்ந்த தேவேந்திர சோப்ரா, நாகராஜ் ஆகியோர் கடனை திருப்பி தரும்படி கேட்டுள்ளனர். தொடர்ந்து நேற்று முன்தினம் இரவில் அவர்கள் கும்பலாக காரில் வந்து, தொழிலதி-பரிடம் பணத்தை கேட்டு நெருக்கடி கொடுத்தனர். அப்போது ஏற்-பட்ட கடும் வாக்கு

வாதத்தில் தொழிலதிபரை காரில் கடத்திச்சென்றனர். இதுகுறித்து ரவிக்குமாரின் தம்பி அனில்குமார் புகார்படி, அஸ்தம்பட்டி போலீசார்,

அங்கிருந்த, 'சிசிடிவி' கேமராவை ஆய்வு செய்தனர்.

மேலும் சோதனைச்சாவடி போலீசாரை உஷார்படுத்தி, சுங்கச்சாவ-டியில் போலீஸ் கண்காணிப்பு தீவிரப்படுத்தப்பட்டது. தவிர ரவிக்குமாரின் மொபைல் மூலம், அவரது இருப்பிடம் கண்டறி-யப்பட்டது. அதனால் கடத்தல் கும்பல் உஷாராகி, அவர்களில் ஒருவர், ரவிக்குமாரை அழைத்துக்கொண்டு, இரவு, 11:45 மணிக்கு, அஸ்தம்பட்டி போலீசில் ஆஜர்படுத்தினார்.

விசாரணையில் அந்த நபர், ஈரோடு, நசியனுார், முள்ளம்பட்-டியை சேர்ந்த நாகராஜ், 57, என தெரிந்தது. அவரை கைது செய்த போலீசார், ரவிக்குமாரிடமும் கடத்தல் சம்பவம் குறித்தும் தொடர்ந்து விசாரிக்கின்றனர். நாகராஜ் வாக்குமூலப்படி, ஈரோட்டை சேர்ந்த தேவேந்திர சோப்ராவை கைது செய்ய, தனிப்-படை போலீசார் விரைந்துள்ளனர்.