சேலம், சேலம் மத்திய சிறையில், 1,200க்கும் மேற்பட்ட விசாரணை, தண்டனை கைதிகள் உள்ளனர். சமீபமாக மத்திய சிறையில் மொபைல் பயன்பாடு கைதிகளிடம் அதிகரித்துள்ளது. கடந்த ஒரு மாதத்தில் மட்டும், 10க்கும் மேற்பட்ட மொபைல்போன்கள் பறிமுதல் செய்யப்பட்டுள்ளன. இந்நிலையில் கடந்த, 28ல் கைதிக்கு வழங்குவதற்காக கொண்டு சென்ற, மூன்று மொபைல்போன், 80 கிராம் கஞ்சா, சிம்கார்டு ஆகியவை, சிறை வார்டன் செல்வராசுவிடம் இருந்து பறிமுதல் செய்யப்பட்டு, அவரை சஸ்பெண்ட் செய்து சிறை கண்காணிப்பாளர் உத்தரவிட்டார்.