மேட்டூர், கொளத்துார், அய்யம்புதுார், கோட்டமடுவை சேர்ந்த, மாரியம்மன் கோவில் பூசாரி அய்யந்துரை, 65. விவசாய வேலையும் செய்து வந்தார். இவருக்கு மனைவி யசோதா, 60, இரு மகன்கள் உள்ளனர். நேற்று அதிகாலை, 5:00 மணிக்கு கோட்டமடுவில் இருந்து விவசாய வேலைக்கு அய்யந்துரை புறப்பட்டார். அவரும், சந்திரியூரை சேர்ந்த முனுசாமியும், டிராக்டரில் இன்ஜின் கேபினில் அமர்ந்து, கொளத்துார் - மைசூரு நெடுஞ்சாலையில் சென்றுகொண்டிருந்தனர். டிரைவர் சேகர் ஓட்டினார்.