இதில், மாவட்ட தொடக்கக்கல்வி அலுவலர்(பொறுப்பு) ஜெயராமன் கலந்து கொண்டு, ஆசிரியர்களுக்கு இடமாறுதல் மற்றும் பதவி உயர்வுக்கான ஆணைகளை வழங்கினார். முன்னதாக, நேற்று காலை சேலம் மாவட்ட முதன்மைக்கல்வி அலுவலர் ராஜராஜன் கவுன்சலிங் நடப்பதை பார்வையிட்டார்.நான்கு நாட்கள் நடக்கும் கவுன்சலிங்கில், இன்று தரம் உயர்த்தப்பட்ட நடுநிலைப்பள்ளிகளில் பணியாற்றும், துவக்கப்பள்ளி தலைமை ஆசிரியர்களுக்கும், தொடக்கப்பள்ளி தலைமை ஆசிரியர்களுக்கும், உயர்நிலைப்பள்ளியாக தரம் உயர்ந்த பள்ளிகளில், 6, 7, 8ம் வகுப்புகளுக்கு பாடம் எடுத்து, உயர்நிலைப்பள்ளிக்கு ஈர்த்துக்கொள்ளப்படாத இடைநிலை ஆசிரியர்களுக்கும் இடமாறுதல் கவுன்சலிங் நடக்கிறது.நாளை காலை, இடைநிலை ஆசிரியர்கள் ஒன்றியத்துக்குள் மாறுதலும், மதியம் இடைநிலை ஆசிரியர் மற்றும் பட்டதாரி ஆசிரியர்கள் ஒன்றியம் விட்டு ஒன்றியம் மாறுதலும் வழங்கப்பட உள்ளது. செப் 20ம் தேதி காலை, இடைநிலை ஆசிரியர்கள் மாவட்டம் விட்டு மாவட்டம் மாறுதலும், மதியம், பட்டதாரி ஆசிரியர்கள் மாவட்டம் விட்டு மாவட்டம் மாறுதலும் வழங்கப்பட உள்ளது.