வதந்திகளை நம்பாதீர்

சேலம் யார்ன் கலரிங் பார்க் தலைவர் அழகரசன், நிர்வாக இயக்குனர் தர்மலிங்கம், துணை நிர்வாக இயக்குனர் சசிகுமார் உள்ளிட்டோர் வெளியிட்ட அறிக்கை:

சேலம் யார்ன் கலரிங் பார்க் திட்டம், மாசு உண்டாக்கும் தொழில் அல்ல. பசுமை திட்டமாக நீரையும், விவசாயத்தையும் காப்பதோடு, மக்கள் வாழ்வாதாரத்தை உயர்த்தும் திட்டம். 200 கோடி ரூபாய் முதலீட்டில், 10 எம்.எல்.டி., திறன் கொண்ட பொது கழிவு நீர் சுத்திகரிப்பு நிலையம், நவீன தொழில்நுட்பத்துடன், உலக தரத்தில் அமைக்கப்பட்டுள்ளது. இத்திட்டம் நிறைவேறாவிட்டால், மாவட்டத்தில் உள்ள சிறு, ஜவுளி தொழில்கள் முடங்கி, 5 லட்சம் பேர் வாழ்வாதாரத்தை இழக்கும் நிலை ஏற்படும். திட்டம் செயல்பட்ட பின், 15,000 பேர் நேரடியாகவும், 50,000 பேர் மறைமுகமாகவும் வேலைவாய்ப்பை பெறுவர். தவறான வதந்திகளை யாரும் நம்ப வேண்டாம்.

இவ்வாறு கூறப்பட்டுள்ளது.