சேலம்: சேலம் நகர அனைத்து வணிகர் சங்க பொதுச்செயலர் ஜெயசீலன் அறிக்கை: மத்திய அரசின், ஜி.எஸ்.டி., கவுன்சில், நாடு முழுதும் உள்ள வணிக நிறுவன கட்டடங்களின் வாடகை மீதான, 18 சதவீத வரி விதிப்பை திரும்ப பெற வேண்டும். சேலம் மாநகராட்சி பல மடங்கு உயர்த்தி விதித்துள்ள சொத்து வரி, குப்பை வரியை ரத்து செய்ய வேண்டும் என்பதை வலியுறுத்தி, வரும், 29ல் தமிழகம் முழுதும் கடைகளை அடைத்து வேலை நிறுத்தம் செய்யப்பட உள்ளது. அதேபோல், லீபஜார் வர்த்தக சங்கமும், கண்டனத்தை தெரிவித்து மத்திய, மாநில அரசுகளின் கவனத்துக்கு கொண்டு செல்லும் நோக்கில், அன்று ஒரு நாள் கடைகளை அடைத்து முழு வேலை நிறுத்தப்போரட்டத்தில் ஈடுபட உள்ளோம்.