ஏற்காடு: ஏற்காட்டில் இருந்து, 22 கி.மீ.,ல் வெள்ளக்கடை ஊராட்சி மோட்டூர் கிராமம் உள்ளது. அங்கிருந்து பள்ளி, கல்லுாரிகளுக்கு செல்லும் மாணவ, மாணவியர், வேலைக்கு செல்வோர் என, தினமும், 100க்கும் மேற்பட்டோர் ஏற்காடு வந்து செல்கின்றனர். ஆனால் அங்கிருந்து மக்கள் வந்து செல்ல, 36 இருக்கை கொண்ட ஒரே ஒரு பஸ் மட்டும், போக்குவரத்து கழகம் சார்பில் இயக்கப்படுகிறது. இதனால் அந்த கிராமத்துக்கு செல்லும் அனைவரும் ஒரே பஸ்சில் பயணிக்க வேண்டிய சூழல் உள்ளது.