பனமரத்துப்பட்டி, மல்லுார் அருகே சந்தியூரில், சேலம் மாவட்ட டாஸ்மாக் மேலாளர் அலுவலகம் மற்றும் கிடங்கு செயல்படுகிறது. கிடங்கில் மது பெட்டிகளை வாகனங்களில் இருந்து இறக்கி வைத்தல், டாஸ்மாக் கடைகளுக்கு வாகனங்களில் ஏற்றி அனுப்புதல், கடைகளில் இறக்கி வைத்தல் உள்ளிட்ட பணியில், 100க்கும் மேற்பட்ட தற்காலிக தொழிலாளர்கள் ஈடுபட்டுள்ளனர். அவர்கள், தீபாவளிக்கு போனஸ் கேட்டு, கிடங்கு முன் நேற்று, சி.ஐ.டி.யு., டாஸ்மாக் சுமை துாக்கும் தொழிலாளர் சங்கத்தலைவர் சிவகுமார் தலைமையில் ஆர்ப்பாட்டம் நடத்தினர். பின் வழக்கமான பணிக்கு சென்றனர்.