இந்த ஒப்பந்தம், பல்கலை கட்டுப்பாட்டில் செயலாற்றி வரும் அனைத்து உறுப்பு கல்லுாரி மாணவர்களுக்கான ஜப்பானிய மொழிப்பயிற்சி, மாணவர் மேம்பாட்டு முயற்சிகளுக்கான கூட்டு கட்டமைப்பை நிறுவுதல், ஜப்பானிய மொழி திறன் மேம்பாடு, இந்தியா மற்றும் ஜப்பானில் தொழில்துறை பயிற்சி ஒருங்கிணைப்பு, மாணவர் வேலைவாய்ப்புக்கு வழிவகுத்தல், ஜப்பானில் உயர்கல்விக்கு வழிவகுத்தல், மாணவர்களுக்கு உதவித்தொகை வழங்குதல் மற்றும் பல்கலை அளவில் ஒத்துழைப்பு வழங்குதல் போன்றவற்றை அடிப்படையாக கொண்டு கையெழுத்திடப்பட்டுள்ளது.

இதில், பல்கலை வேந்தர் கணேசன் முன்னிலையில், இந்தியா பிரைவேட் லிமிடெட் நிறுவன நிர்வாக இயக்குனர் கருணாநிதி, விநாயகா மிஷன் ஆராய்ச்சி நிகர்நிலை பல்கலை இணை பதிவாளர் ராஜசேகரன்(நிர்வாகம்) கையெழுத்திட்டனர். அப்போது விநாயகா மிஷன் பல்கலை ​​தலைமை உத்தி அதிகாரி சுரேஷ் சாமுவேல், ஜப்பானிய ஒருங்கிணைப்பாளர் மசுமி நரிதா உள்ளிட்டோர் உடனிருந்தனர்.