சேலம், 'ரிசர்வ் வங்கி' பெயரில், 20 கோடி ரூபாய் மோசடி செய்த பொம்மிடி வாலிபரை, சி.பி.சி.ஐ.டி., போலீசார் கைது செய்தனர்.'ரிசர்வ் வங்கி அதிகாரிகள்' என கூறி சிலர், மத்திய அரசிடம் இருந்து, 'இரிடியம், காப்பர்' விற்பனைக்கு உள்ளதாக தெரிவித்து, அதற்கு முதலீடு செய்தால் அதிக வட்டி கிடைக்கும் என, மக்களை நம்ப வைத்து கோடிக்கணக்கில் மோசடி செய்துள்ளனர். இதுதொடர்பாக சேலம் சி.பி.சி.ஐ.டி., போலீசார் விசாரித்தனர். அதில் சேலம், நாமக்கல், தர்மபுரி மாவட்டங்களில், 150 பேர் பாதிக்கப்பட்டு, 13 கோடி ரூபாய் மோசடி நடத்தது தெரிந்தது. இதுதொடர்பாக, தமிழகம், பிற மாநிலங்களை சேர்ந்த, 12 பேர் கைது செய்யப்பட்டு, மற்றவர்களை தேடுகின்றனர்.