அங்கு நேற்று முன்தினம் ராஜா சென்றபோது, 'தாசில்தார் மீட்டிங் சென்றுவிட்டார், நாளை வாருங்கள்' என, அதிகாரிகள் தெரிவித்தனர். இதனால் நேற்று காலை, 10:00 மணிக்கு அலுவலகம் சென்ற ராஜா, நீண்ட நேரம் காத்திருந்தும், தாசில்தார் கையெழுத்து பெற முடியவில்லை. இதனால் மாலை, 5:45 மணிக்கு தாசில்தார் அறை முன் தர்ணாவில் ஈடுபட்டார்.

இதுகுறித்து ராஜா கூறுகையில், 'சகோதரிக்கு உடனே உறுப்பு மாற்று சிகிச்சை செய்ய வேண்டியுள்ளது. தாமதம் செய்தால் உயிருக்கு பாதிப்பு ஏற்படும் என மருத்துவர்கள் தெரிவித்துள்ளனர். அதிகாரிகள் காலம் தாழ்த்தியதால் தர்ணாவில் ஈடுபட்டேன்' என்றார்.

பின் அதிகாரிகள், ராஜாவை அழைத்துக்கொண்டு, சேலம் கலெக்டர் அலுவலகத்தில் மீட்டிங்கில் இருந்த, தாசில்தார் ரவிக்குமாரிடம், கையெழுத்து வாங்கி கொடுத்து அனுப்பினர்.