திருப்புவனம்: திருப்புவனத்தில் நேற்று மாதாந்திர மின் தடை என்பதால் காற்றுக்காக முதியோர்கள் பலரும் வாசல் கதவை திறந்து வைத்து துாங்கி கொண்டிருந்தனர். முதலியார் தெரு, நாடார் தெரு உள்ளிட்ட தெருக்களில் வெறி நாய் ஒன்று வீடு புகுந்து துாங்கி கொண்டிருந்தவர்களின் தலையில் கடித்து குதறியது. பின்னர் ரோட்டில் நடந்து சென்றவர்களையும் விரட்டி கடித்தது. இதில் காயமடைந்த சரசு 83, செல்வம் 65, ஈஸ்வரி 55, ராஜேஸ்வரன் 20, ஆகியோர் திருப்புவனம் அரசு மருத்துவமனையில் அனுமதிக்கப்பட்டனர்.