நகரத்தார் கோயிலான இங்கு வயிரவர் சுவாமி, அம்பாள் சன்னதிகளுக்கு நடுவில் தனி சன்னதியில் எழுந்தருளுகிறார். நின்ற கோலத்தில் தெற்கு நோக்கி அருள்பாலிக்கிறார். இங்கு சம்பக சஷ்டி விழா ஆறு நாட்கள் நடைபெறுகிறது.

துவக்க விழாவை முன்னிட்டு நவ.20 காலை 10:00 மணிக்கு அனுக்ஞை,கணபதி ஹோமத்துடன் யாக பூஜைகள் துவங்குகின்றன.

தொடர்ந்து காப்புக்கட்டி விழா துவங்குகிறது. இரவு 7:00 மணிக்கு அலங்காரத்தில் மூலவருக்கு சிறப்பு ஆராதனை நடைபெறுகின்றன. தொடர்ந்து நவ.21ல் முதலாம் திருவிழா நடைபெறும்.

காலை 10:00 மணிக்கு ஹோமம்,தீபாராதனை நடைபெறும். இரவு 7:30 மணிக்கு வெள்ளி ரதத்தில் சுவாமி புறப்பாடு நடைபெறும்.

தொடர்ந்து காலையில் ேஹாமம்,தீபாராதனை, இரவில் சுவாமி புறப்பாடு நடைபெறும். நவ.25ல் ஐந்தாம் நாளில் மாலையில் விடுதிக்கு சுவாமி எழுந்தருளி அஷ்டபைரவ அர்ச்சனை, தீபாராதனை நடைபெறும்.

இரவு 7:30 மணிக்கு ஊஞ்சலில் சுவாமி கோயில் வலம் வருவார். நவ.26ல் காலை 10:00 மணிக்கு வயிரவருக்கு அபிஷேக, ஆராதனை நடைபெறும். மாலையில் வயிரவர் எழுந்தருளி சம்பகா சூரசம்ஹாரம் நடைபெறும். இரவில் பஞ்சமூர்த்தி புறப்பாடு நடைபெறும். ஏற்பாட்டினை ஏழகப் பெருந்திருவான வயிரவன்கோயில் நாட்டுக்கோட்டை நகரத்தார்கள், விழாக்கமிட்டியினர் செய்கின்றனர்.