சிவகங்கை மாவட்ட விளையாட்டு அரங்கில், மாநில அளவிலான மகளிருக்கான ஹாக்கி போட்டி நடைபெற்றது.

இதில் மாநில அளவில் இருந்து 11 அணிகள் பங்கேற்றன. அரையிறுதியில் சென்னை எஸ்.ஆர்.எம்., கல்லுாரி அணி, சிவகங்கை யங் சேலஞ்சர்ஸ் கிளப் அணியும் விளையாடியதில், சிவகங்கை அணியை 2:0 கோல் கணக்கில் சென்னை அணி வென்றது.

2வது அரையிறுதியில் சென்னை விளையாட்டு மேம்பாட்டு அணியும், திருவாரூர் ஜீவி ஹாக்கி கிளப் அணியும் மோதியதில், 1:0 கோல் கணக்கில் திருவாரூர் அணி வென்றது.

இறுதி போட்டியில் சென்னை எஸ்.ஆர்.எம்., மகளிர் கல்லுாரி அணி, திருவாரூர் அணியும் மோதியதில், 1:0 கோல் கணக்கில் சென்னை எஸ்.ஆர்.எம்., கல்லுாரி அணி வெற்றி பெற்று, வேலுநாச்சியார் நினைவு கோப்பையை வென்றது. வெற்றி பெற்ற அணிகளுக்கு கோப்பை, பரிசு தொகை வழங்கப்பட்டது.