சிவகங்கை தேவஸ்தானத்திற்குட்பட்ட பாகனேரி புல்வநாயகி அம்மன் கோயிலில் ஜூன் 30 அன்று கொடியேற்றத்துடன் ஆனி திருவிழா துவங்கியது. தினமும் காலை, இரவு அம்மன் யானை, சிம்மம், பூப்பல்லக்கு வாகனங்களில் திருவீதி உலா வந்தார். ஒன்பதாம் நாளை முன்னிட்டு ஜூலை 8 ம் தேதி மாலை அலங்கரிக்கப்பட்ட தேரில் புல்வநாயகி அம்மன் எழுந்தருளினார். அம்மனுக்கு சிறப்பு அபிேஷக,ஆராதனை நடந்தது.

அன்று மாலை 5:45 மணிக்கு சிவகங்கை தேவஸ்தான பரம்பரை அறங்காவலர் மதுராந்தகி நாச்சியார் தேரோட்டத்தை துவக்கி வைத்தார். தேர் நான்கு ரத வீதிகளை வலம் வந்து மாலை 6:15 மணிக்கு நிலையை அடைந்தது. தேரோட்ட விழாவில் நாட்டார், நகரத்தார் பங்கேற்றனர். கோயில் கண்காணிப்பாளர் வேல்முருகன் ஏற்பாடுகளை செய்திருந்தார். இன்று காலை 11:00 மணிக்கு தீர்த்தவாரி உற்ஸவம் நடைபெறும். தேரோட்ட விழாவில் ஏராளமான பக்தர்கள் பங்கேற்று புல்வநாயகி அம்மனை தரிசனம் செய்தனர்.