காரைக்குடி கொப்புடையநாயகி அம்மன் கோயில் செவ்வாய் திருவிழா, நேற்று முன்தினம் இரவு காப்பு கட்டுதலுடன் தொடங்கியது.

தொடர்ந்து அம்பாள் சிம்ம வாகனத்தில் வீதி உலா வந்தார். விழா நாட்களில் தினமும் காலை 9:00 மணிக்கு வெள்ளிக்கேடகத்தில் அம்பாள் புறப்பாடும் பக்தி உலாவும் இரவு தீபாராதனை பல்வேறு வாகனங்களில் வீதி உலா நிகழ்ச்சியும் நடக்கிறது.

முக்கிய நிகழ்ச்சியான தேரோட்டம் வரும் மே 20ம் தேதி மாலை 5:00 மணிக்கு நடக்கிறது. தொடந்து காட்டம்மன் கோயிலுக்கு அம்பாள் எழுந்தருளும் நிகழ்ச்சியும், மே 21 ம் தேதி காலை 9:00 மணிக்கு தேர் புறப்பட்டு கொப்புடையநாயகி அம்மன் கோயில் திரும்பும் நிகழ்ச்சியும் நடக்கிறது. மே 22ம் தேதி மாலை தெப்பத்திருவிழாவும் மறுநாள் அதிகாலை புஷ்ப பல்லக்கும் நடைபெறுகிறது.