திருப்புத்துார்: திருப்புத்துார் திருத்தளிநாதர் கோயில் வைகாசி விசாக விழா மே31ல் கொடியேற்றத்துடன் துவங்கியது. தினசரி இரவில் வாகனங்களில் சுவாமி- அம்பாள் வீதி உலா நடைபெறுகிறது. நேற்று காலை 7:00 மணிக்கு அம்பாள் ஆதித்திருத்தளிநாதர் கோயிலுக்கு புறப்பாடு ஆகி தவத்தில் அமர்ந்தார். சோமஸ்கந்தர் கோயிலுக்கு சென்று அம்மனை சமாதானப்படுத்தி அழைத்து வருதல் நடந்தது. ராஜகோபுரத்தின் கீழ் சுவாமி- அம்பாள் மாலை மாற்றுதல் நடந்தது. மணக்கோலத்தில் சுவாமியும் அம்பாளும் திருமண மண்டபம் எழுந்தருளினர்.