தென்காசி மாவட்டம் சங்கரன்கோவில் அருகே சின்னகோவிலாங்குளம் வடக்கு மாவிலியூத்தை சேர்ந்தவர் கனகராஜ். விவசாயி. இவரது மனைவி திருமலைச்செல்வி 39. இவர்களுக்கு மகள் காயத்ரி 18, உட்பட 3 குழந்தைகள் உள்ளனர். காயத்ரி பிளஸ் 2 தேர்வு எழுதியுள்ளார். கனகராஜிற்கு மது பழக்கம் உள்ளது. தினமும் மது போதையில் வீட்டில் தகராறு செய்வாராம். இதனால் மனமுடைந்த திருமலைச்செல்வி, காயத்ரியுடன் சேர்ந்து விஷம் குடித்தார்.

இருவரும் ஆபத்தான நிலையில் திருநெல்வேலி அரசு மருத்துவக் கல்லுாரி மருத்துவமனையில் அனுமதிக்கப்பட்டனர். இதில் திருமலைச்செல்வி இறந்தார். காயத்ரி சிகிச்சையில் உள்ளார். சின்ன கோவிலாங்குளம் போலீசார் விசாரித்தனர்.