பேராசிரியர் மாணிக்கராஜ் கூறுகையில், “இந்த நடுகல் ஐந்தடி உயரம், ஒன்றரை அடி அகலம் கொண்டது. இதில், வீரன் ஒருவன் வலது கையில் வாளும், இடது கையில் துப்பாக்கியும் பிடித்து சமமான நிலையில் நின்றபடி உள்ளது.

''இவ்வீரன் இப்பகுதியில் நடந்த ஏதோ ஒரு சண்டையில் இறந்த பின், அவரது இரு மனைவியரும் சதி எனும் உடன்கட்டை ஏறி தங்கள் உயிரை நீத்துள்ளனர் என்பதை வெளிகாட்டும் விதமாக வீரனுக்கு பக்கவாட்டில் சிற்பமாக வெட்டப்பட்டு உள்ளன. இப்பகுதி மக்கள் இதை தெய்வமாக வணங்கி வருகின்றனர்,” என்றார்.