சுகாதாரத்துறையினர் கூறுகையில், 'ஒவ்வொரு மாவட்டத்திலும் சுகாதாரம், தொழு நோய் தடுப்பு, காசநோய் தடுப்பு என மூன்று துணை இயக்குனர்கள் உள்ளனர். இதில் காசநோய் மற்றும் தொழுநோய் பிரிவுகளுக்கு நேரடியாக துணை இயக்குனர் நியமனம் கிடையாது. குறைந்தது 20 ஆண்டுகளுக்கு மேல் அதில் பணியாற்றியவர்களுக்கு இப்பதவி உயர்வு வழங்கப்படுகிறது.

'ஆனால் சுகாதார துணை இயக்குனர் பதவிக்கு நேரடி நியமனம் உள்ளது. மருத்துவ கல்வியை முடித்தவர்கள் டி.பி.எச்., என்ற படிப்பை படித்தால், துணை இயக்குனராக நியமனம் செய்ய வாய்ப்புண்டு. பணி அனுபவம் இல்லாமல் கூட நேரடி நியமனம் செய்யப்படுகின்றனர். எனவே, இரு தரப்பிற்கும் இடையே 'ஈகோ 'வந்து விடக் கூடாது என்பதற்காக துணை இயக்குனர் சுகாதாரம் பணியிடத்தை மாவட்ட சுகாதார அலுவலர் என பெயர் மாற்றம் செய்து அரசு உத்தரவிட்டுள்ளது' என்றனர்.