போடி ஒன்றியம், அகமலை ஊராட்சிக்கு உட்பட்டவை குண்டேரி, பனங்கோடை மலைக் கிராமம். இப்பகுதியில் 50 க்கும் மேற்பட்ட குடும்பங்கள் வசிக்கின்றனர். காபி, பலா, ஆரஞ்சு, எலுமிச்சை உள்ளிட்ட பணப் பயிர்கள் பயிரிட்டு உள்ளனர்.

வனத்துறைக்கு மண் ரோட்டில் விவசாயிகள் நடந்து சென்று வந்தனர். தற்போது இப்பாதையின் இருபுறமும் முட்புதர்களாக சூழ்ந்துள்ளது.

இதனால் விவசாயிகள் தோட்டங்களுக்கு செல்லவும், விளை பொருட்களை கொண்டு வர முடியாமல் சிரமம் அடைகின்றனர். குண்டேரி - பனங்கோடை செல்லும் பாதையில் உள்ள ஆக்கிரமிப்பை அகற்றி, பாதையை சீரமைத்திட வனத்துறையில் விவசாயிகள் கோரிக்கை விடுத்தும் நடவடிக்கை இல்லை.

விவசாயிகள் பயன்பெறும் வகையில் குண்டேரி - பனங்கோடை செல்லும் பாதையில் உள்ள ஆக்கிரமிப்புகளை அகற்றி, பாதையை சீரமைத்திட சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.