மாவட்டத்தில் கடும் வெயில் வாட்டி வந்த சூழலில் அக்னி நட்சத்திரம் வெயில் துவங்கியது.

அதன் பின் வெயிலின் தாக்கம் குறைந்தது. ஆங்காங்கே பலத்த காற்று, சாரல் மழை என பெய்து வந்தது. மே 8 ல் மாவட்டத்தில் பரவலாக மின்னலுடன் கனமழை பெய்தது.

தொடர்ந்து நான்காவது நாளாக நேற்றும் பல இடங்களில் கன மழை பெய்தது.

தேனி நகர்பகுதியில் மாலை 4:00 மணியளவில் துவங்கிய மழை ஒருமணிநேரம் பெய்தது. நேற்று முன்தினம் அதிகபட்சமாக வீரபாண்டியில் 12.4 மி.மீ., மழை பதிவானது. கூடலுாரில் 1.8 மி.மீ., பெரியாறு அணையில் 0.8 மி.மீ., தேக்கடியில் 0.4 மி.மீ., மழை பதிவாகி உள்ளது.