அதன்பின்னர் 2021 ல் மத்திய அரசு மீண்டும் சிறப்பு திட்டத்தை அறிவித்தது அதன்படி 2 ஆண்டுகளாக தடுப்பூசி போடப்பட்டு வருகிறது. இரண்டு மாதங்களுக்கு முன் தமிழக கேரள எல்லையோரம் உள்ள கன்றுகளுக்கு காணை நோய் தடுப்பூசி போடப்பட்டது.

இந்நிலையில் கம்பம், மாலையம்மாள்புரம், அண்ணாபுரம், சாமாண்டிபுரம் உள்ளிட்ட பகுதிகளில் கடந்த 2 மாதங்களுக்கு முன் காணை நோய் பரவியது. தனியார் மருந்தகங்களில் தடுப்பூசி வாங்கி போட்டனர். ஒரளவிற்கு கட்டுக்குள் வந்தது. செப். முதல் வாரம் தடுப்பூசி செலுத்தினால் தான் 40 நாட்களுக்கு பின் பயன் கிடைக்கும், எனவே தான் அக்டோபரில் தாக்க கூடிய காணை நோயை எதிர்கொள்ள செப். முதல் தேதி தடுப்பூசி போடுவார்கள்.

தற்போது ஒரு லட்சத்து 5 ஆயிரம் டோஸ்கள் காணை நோய் தடுப்பூசிகள் தேனி மாவட்டத்திற்கு வந்துள்ளது. இந்தாண்டு குறிப்பிட்ட காலத்தில் காணை நோய் தடுப்பூசி போடும் பணிகள் மேற்கொள்ளப்படும் என்று கால்நடை பராமரிப்புத் துறை வட்டாரங்கள் கூறியுள்ளன.