தேர்தல் ஆணையத்திற்கு பெல் நிறுவனம் மின்னணு ஓட்டுப்பதிவு இயந்திரங்கள் தயாரித்து வழங்குகின்றன. இயந்திரங்களின் ஆயுட்காலமாக 15 ஆண்டுகள் நிர்ணயிக்கப்படுகிறது. அதன்பட்டி 2008, 2009ல் தயாரிக்கப்பட்ட எம் 2 வகை ஓட்டுப்பதிவு இயந்திரங்களை திருப்பி அனுப்ப உத்தரவிடப்பட்டிருந்தது.

தேனி மாவட்டத்தில் எம் 2 வகை இயந்திரங்கள் ஆண்டிப்பட்டி பாப்பம்மாள்புரம், பகவதிஅம்மன் கோயில் தெரு, கலெக்டர் அலுவலகத்தில் 4 தளத்தில் உள்ள பாதுகாப்பு அறை 3 இடங்களில் கட்டுப்பாட்டு கருவிகள் 422, பேலட் யூனிட் 1841 வைக்கப்பட்டிருந்தன. அதனை சில வாரங்களுக்கு முன் அதிகாரிகள் ஸ்கேன் செய்து சரிபார்த்தனர்.

இவற்றை பெங்களூருவில் உள்ள பெல் நிறுவனத்திற்கு அனுப்பும் பணி நேற்று நடந்தது. இதனுடன் கடந்த லோக்சபா தேர்தலில்பழுதான 2 கட்டுப்பாடு கருவிகள், 8 வி.வி., பேட் அனுப்பப்பட்டன.

தேர்தல் பிரிவு அதிகாரிகள், ஊரக வளர்ச்சிபிரிவு அதிகாரிகள் மேற்பார்வையில் லாரிகளில் ஏற்றும் பணி நடந்தது. அரசியல் கட்சியினர்பங்கேற்றனர்.