சமீப காலமாக பூப்பாறை பகுதியில் 5 வயதுக்கு உட்பட்ட இரண்டு யானைகள் உள்பட எட்டு காட்டு யானைகள் கூட்டம் நடமாடி வருகின்றன. அவற்றை எட்டு யானை கூட்டம் என அழைக்கின்றனர். அவை, நேற்று காலை 8:30 மணிக்கு கொச்சி, தனுஷ்கோடி தேசிய நெடுஞ்சாலையில் பூப்பாறை அருகே தோண்டிமலை பகுதியில் நடமாடின. அதனால் வாகனங்கள் கடந்து செல்ல இயலாத நிலை ஏற்பட்டது. வனத்துறை ஆர்.ஆர்.டி. பிரிவினர் ரோட்டில் போக்குவரத்தை தடை செய்து யானைகளை ஏலத்தோட்டத்தினுள் விரட்டினர். காட்டு யானைகள் ரோட்டில் நடமாடியதால் அரை மணி நேரம் போக்குவரத்து பாதிக்கப்பட்டது.