இச்சம்பவம் தொடர்வதால் இரவில் விவசாயிகள், தொழிலாளர்கள் தோட்டங்களில் தங்கவும், குறிப்பிட்ட நேரத்திற்கு மேல் சென்று வர முடியாமல் அச்சத்தில் உள்ளனர்.

வன விலங்குகளிடமிருந்து பயிர்களை காக்க அகழிகள் அமைக்கவும், 25 கி.மீ., தூரத்திற்கு சோலார் மின் வேலி அமைக்க மாவட்ட நிர்வாகம் முதன்மை வன பாதுகாப்பு அலுவலருக்கு பரிந்துரை செய்து பல ஆண்டுகள் ஆகியும் திட்டம் செயல் படுத்தாமல் முடங்கியுள்ளது. இயற்கை சீற்றங்களால் அவதிப்படும் விவசாயிகள், மறுபுறம் வன விலங்குகளாலும் பாதிப்பு அடைகின்றனர். வனப்பகுதியில் தடுப்பணைகள் இல்லாததால் தண்ணீர் தேடி வனவிலங்குகள் தோட்ட பகுதியில் வருகின்றன. இதனால் விவசாயிகள் சிரமம் அடைந்து வருகின்றனர்.

உயிர் பலி தொடர்வதால் காட்டுமாடு களை கட்டுப்படுத்தவும், பயிர்களை காக்கவும், வனப்பகுதியை சுற்றி அகழி அமைக்கவும், 25 கி.மீ., தூரத்திற்கு சுற்றி சோலார் மின் வேலி அமைக்க விவசாயிகள் வலியுறுத்தி உள்ளனர்.