சாரல் விழாவை முன்னிட்டு அருவியில் தண்ணீர் திறந்து விட மின்வாரிய அதிகாரிகளை கலெக்டர் ஷஜீவனா கேட்டுக் கொண்டுள்ளார்.

தொடர்ந்து மழை இல்லாததாலும், வெயில் கடுமையாக இருப்பதால் ஹைவேவிஸ் அணையில் நீர் மட்டம் குறைந்துள்ளது. அணையில் உள்ள நீரை வைத்து சுருளியாறு நீர் மின் நிலையத்தில் தேவைக்கேற்ப மின் உற்பத்தி நடைபெற்று வருகிறது. ஒரு வாரத்திற்கு மட்டுமே தண்ணீர் உள்ள நிலையில் சாரல் விழாவிற்கு தண்ணீர் திறந்து விடுவது பற்றி வாரிய அதிகாரிகள் ஆலோசனை செய்தனர். மின் வாரிய வட்டாரங்களில் விசாரித்த போது, அணைகளில் நீர் மட்டம் மிக குறைவாக இருந்த போதும் கலெக்டரின் உத்தரவினை தொடர்ந்து ஹைவேவிஸ் வியர் அணையில் இருந்து நேற்று மாலை தண்ணீர் திறக்கப்பட்டது. இந்த தண்ணீர் இன்று காலை சுருளி அருவிக்கு வரும் என்றனர்.