பஸ் ஸ்டாண்ட் அமைக்க தமிழக முதல்வர் ரூ.7.50 கோடி ஒதுக்கீடு செய்து அறிவித்தார். ஆனால் கட்டுமான பணியை யார் செய்வது என்பதில் கூடலுார் நகராட்சி நிர்வாகம், போக்குவரத்து துறை, வனத்துறையினரிடைய பிரச்னை இருந்தது. இறுதியாக போக்குவரத்து துறை சார்பில் ரூ.5.50 கோடி திட்ட மதிப்பீட்டில் பஸ் ஸ்டாண்ட் அமைப்பது என முடிவு செய்யப்பட்டு 2023 செப். 11ல் பூமி பூஜை நடத்தப்பட்டது.

துவக்கத்தில் இப்பணி வேகம் எடுத்தது. கடந்த சில மாதங்களாக முழுமையாக பணி நடைபெறாமல் கிடப்பில் போடப்பட்டது. இந்நிலையில்மீண்டும் இப்பணி துவங்கிய போதிலும் தீவிரம் காட்டாமல் ஆமை வேகத்தில் நடக்கிறது.

6 மாதத்திற்கு மேலாகியும் அஸ்திவார பணிகூட இன்னும் முடியவில்லை. வரும் சபரிமலை சீசனுக்கு முன் இப்பணி முடிவடைந்து புது பஸ் ஸ்டாண்ட் பயன்பாட்டிற்கு வருமா என்ற எதிர்பார்ப்பு மக்களிடையே உள்ளது.