தேனி : மாவட்டத்தில் இஞ்சி சாகுபடி செய்யப்படுவதில்லை. பிற மாவட்டங்கள், கர்நாடாக மாநிலத்தில் இருந்து இஞ்சி விற்பனைக்கு கொண்டு வரப்படுகிறது. அசைவ உணவுகள் தயாரிப்பில் இஞ்சி அதிக முக்கியத்துவம் பெறுகிறது. குறிப்பாக சமையலுக்கு பழைய இஞ்சி அதிகம் வாங்குகின்றனர். பழைய இஞ்சி விலை கடந்த சில நாட்களாக கிலோவிற்கு ரூ. 20 வரை அதிகரித்துள்ளது. மொத்த விற்பனையில் கிலோ ரூ. 90க்கு விற்பனை செய்யப்படுகிறது. சில்லரையில் கிலோ ரூ. 120 வரை விற்பனையாகிறது. புதிய இஞ்சி சில்லரையில் கிலோ ரூ. 70 வரை விற்பனை செய்யப்படுகிறது.