நட்சத்திர அந்தஸ்து கொண்ட ஹோட்டல்களில் டி.ஜே., எனப்படும் ஆட்டம், பாட்டம், கொண்டாட்டத்திற்கான ஏற்பாடுகள் செய்யப்பட்டு வருகின்றன. நபர் ஒருவருக்கு 3,000 ரூபாய் வரை கட்டணம் வசூலிக்கப்படும். நட்சத்திர ஹோட்டல்கள் தவிர பிற ஹோட்டல்களிலும் புத்தாண்டு கொண்டாட்டம் நடக்கும்.

அவற்றிலும் நட்சத்திர ஹோட்டல்களை போல, பல்வேறு நிகழ்ச்சிகளுக்கு ஏற்பாடு செய்யப்பட்டுள்ளன. அதற்கு தனியாக கட்டணம் வசூலிக்கப்படுவதில்லை. மாறாக, விழாக் கால நடைமுறைபடி, தங்கும் விடுதிகளில் 20 முதல், 25 சதவீதம் வரை கட்டணம் அதிகரிக்கப்படும்.

கிறிஸ்துமஸ் பண்டிகையை முன்னிட்டு, சுற்றுலா பயணியர் வருகை அதிகம் இருந்ததால், விடுதிகளில் அறைகள் அனைத்தும் 'ஹவுஸ் புல்' ஆனது. அது போல புத்தாண்டை இங்கு கொண்டாட ஏதுவாக ஜன., 10 வரை அனைத்து ஹோட்டல்களிலும் அறைகள் முன்பதிவு செய்யப்பட்டுள்ளன. தற்போது வடமாநிலங்களில் திருமண சீசன் என்பதால், 'ஹனிமூன்' தம்பதியினர் அதிகம் வருகின்றனர்.