தேனி மாவட்டம், பெரியகுளம் பங்களாபட்டி அண்ணாநகர் 2வது தெருவைச் சேர்ந்தவர் ஜோசப், 57; தனியார் பள்ளி தலைமையாசிரியர். இவரது மனைவி சீலாசாலமோன், 54. அரசு மேல்நிலைப் பள்ளியில் முதுகலை ஆசிரியை. இருவரும் வீட்டைப் பூட்டிவிட்டு வேலைக்கு சென்றுவிட்டனர்.

நேற்று மாலையில் இருவரும் வேலை முடிந்து வீட்டிற்கு வந்தபோது, வீட்டின் கதவு பூட்டு மற்றும் பீரோ உடைக்கப்பட்டிருந்தது. பீரோவிலிருந்த 84 கிராம் தங்க நகைகள் திருடப்பட்டிருந்தன. தடயவியல் நிபுணர்கள் கைரேகைகளை சேகரித்தனர். டி.எஸ்.பி., நல்லு தலைமையில் வடகரை போலீசார் விசாரிக்கின்றனர்.