இந்த கிராமவாசிகள் பேருந்து வாயிலாக சென்னை, திருவள்ளூர், திருத்தணி உள்ளிட்ட நகரங்களுக்கு சென்று வருகின்றனர்.

அவ்வாறு செல்வோர் காந்திகிராமத்தில் பேருந்து நிறுத்தம் இல்லாததால் 3 கி.மீ., தூரமுள்ள புதுார் அல்லது ராமஞ்சேரியில் இருந்து இறங்கி நடந்து செல்ல வேண்டிய அவல நிலை உள்ளது.

மேலும் பள்ளி செல்லும் ஏழை மாணவர்கள் நடந்து சென்று வர சிரமப்படுகின்றனர். மேலும் முதியவர்கள் பெண்கள் பல்வேறு சிரமங்களை சந்தித்து வருகின்றனர்.

இந்நிலையில் திருத்தணி -- திருவள்ளூர் வரை இயக்கப்படும் அரசு பேருந்து தடம் எண்: 97 மற்றும் தனியார் பேருந்துக்களை காந்தி கிராமத்தில் நிறுத்தி இயக்க வேண்டும் என மக்கள் கோரிக்கை விடுத்துள்ளனர். மேலும் நிழற்குடை அமைக்க வேண்டும் என, எதிர்பார்க்கின்றனர்.