இப்பகுதி வழியே அரசு, தனியார், பள்ளி, கல்லுாரி பேருந்து என தினமும் 5,000த்துக்கும் மேற்பட்ட வாகனங்கள் சென்று வருகின்றன.

இப்பகுதியில் சாலை விரிவாக்கத்தின் போது பயணியர் நிழற்குடைகள் அகற்றப்பட்டன. இதையடுத்து ஊராட்சி மன்ற அலுவலகம் அருகே, 5 லட்சம் ரூபாய் மதிப்பில் மாவட்ட கவுன்சிலர் 2023 - -24ம் ஆண்டு மாவட்ட ஊராட்சி நிதியில் புதிய பயணியர் நிழற்குடை அமைக்கும் பணி துவங்கியது.

இதேபோல் கீழ்நல்லாத்துார் பகுதியில் கடம்பத்துார் ஒன்றிய கவுன்சிலர் 2023-- 24ம் ஆண்டு ஒன்றிய பொது நிதியில், 5 லட்சம் மதிப்பில் நிழற்குடை அமைக்கும் பணி துவங்கியது.

இந்நிலையில் இரு நிழற்குடை அமைக்கும் பணி கிடப்பில் போடப்பட்டன. இது குறித்து நம் நாளிதழில் செய்தி வெளியானது.

இதையடுத்து நடவடிக்கை எடுத்து இந்த பயணியர் நிழற்குடைகள் பணி நிறைவடைந்து பகுதிவாசிகள் பயன்பாட்டிற்கு வந்துள்ளன.