இந்த பகுதிவாசிகள் வீட்டு உபயோகத்திற்கு இந்த நீரை பயன்படுத்தி வந்தனர்.

இந்நிலையில் இரண்டு ஆண்டுகளுக்கு முன், குடிநீர் டேங்கில் நீர் நிரப்புவதற்காக அமைக்கப்பட்ட நீர் மூழ்கி மின்மோட்டார் பழுதடைந்தது. இதை சீரமைக்க ஊராட்சி நிர்வாகம் நடவடிக்கை எடுக்கவில்லை.

இதனால் இந்த பகுதிவாசிகள் வேறு பகுதியில் உள்ள சிறுமின் விசை குழாயை தேடி சென்று தண்ணீர் பிடித்து வரும் நிலை உள்ளது.

இந்நிலையில் பழுதடைந்து பயன்பாடின்றி உள்ள சிறுமின் விசை குழாயை பயன்பாட்டுக்கு கொண்டு வர நடவடிக்கை எடுக்க வேண்டும் என, பகுதிவாசிகள் கோரிக்கை விடுத்துள்ளனர்.