அந்த வகையில், கடந்த 26ம் தேதி முதல் கிருஷ்ணர் ஜெயந்தி விழா மூன்று நாட்கள் கொண்டாடப்பட்டு வருகிறது. மூன்றாம் நாளான நேற்று காலை, உற்சவர் வேணுகோபால சுவாமிக்கு சிறப்பு அபிஷேகம், தீபாராதனை நடந்தது.

தொடர்ந்து, மாலை 5:00 மணிக்கு கோவில் வளாகத்தில் பட்டு வஸ்திரம் அணிந்து ராதா, ருக்மணி சமேத வேணுகோபால சுவாமிக்கு திருக்கல்யாணம் நிகழ்ச்சி நடந்தது.

இதில், திருத்தணி, தாழவேடு மற்றும் அதை சுற்றியுள்ள கிராமங்களில் இருந்து திரளான பக்தர்கள் பங்கேற்றனர். இரவு 7:00 மணிக்கு உற்சவர் சிறப்பு அலங்காரத்தில் எழுந்தருளி, வீதியுலா வந்து பக்தர்களுக்கு அருள்பாலித்தார்.