கியரில் வைத்தபடியே டிராக்டரை, 'ஆப்' செய்தார்; சாவி, டிராக்டரிலே பொருத்தப்பட்டு இருந்தது. குழந்தையை, ஓட்டுநர் சீட்டில் உட்கார வைத்துவிட்டு, டிராக்டரின் பின்பக்க பெட்டியில் நெல் மூட்டைகளை ஏற்றிக்கொண்டிருந்தார்.

அப்போது குழந்தை, சாவியை திருகியதில் திடீரென இயங்கிய டிராக்டர், மெல்ல நகர்ந்தது. பதற்றமடைந்து குழந்தை குதித்ததில், சீட்டின் கீழ் இருந்த, 'கிளட்ச் லிவர்' ரிலீஸ் ஆகி, டிராக்டர் குலுங்கி குலுங்கி சென்றது.

அப்போது, திடீரென கீழே விழுந்த குழந்தை, டிராக்டரின் பின் சக்கரத்தில் சிக்கி படுகாயமடைந்தது.

பதறியடித்து ஓடிய தந்தை அருள்பாண்டியன், டிராக்டரை நிறுத்தி, குழந்தையை மீட்டு, சோளிங்கர் அரசு மருத்துவமனைக்கு கொண்டு சென்றார். அங்கு, பரிசோதித்த டாக்டர்கள், வரும் வழியிலே குழந்தை உயிரிழந்ததாக தெரிவித்தனர்.

இதுகுறித்து, ஆர்.கே.பேட்டை போலீசார் விசாரித்து வருகின்றனர்.