கடம்பத்துார் ஒன்றியம் கூவம் ஊராட்சியில், திரிபுர சுந்தரி அம்பாள் சமேத திரிபுராந்தக சுவாமி கோவில் உள்ளது.

இந்த கோவிலில், ஆடிப்பூர பிரம்மோத்சவ திருவிழா, வரும் 19ம் தேதி கொடியேற்றத்துடன் துவங்குகிறது.

அன்று காலை 7:30 மணிக்கு மேல் 9:00 மணிக்குள், கொடியேற்றம் நடைபெறும். திருவிழா காலங்களில் தினமும் காலை 7:00 மணிக்கு லட்சுமி, சரஸ்வதி, துர்கா சுவாமிகள், பவழக்கால் சப்பரத்திலும், இரவு 7:00 மணிக்கு திரிபுர சுந்தரி அம்பாள் பல்வேறு வாகனங்களில் எழுந்தருளி திருவீதி உலா வந்து, பக்தர்களுக்கு அருள்பாலிப்பார்.

விழாவின் முக்கிய நிகழ்ச்சியான தேரோட்டம், வரும் 25ம் தேதி காலை 8:30 மணிக்கு மேல் நடைபெறும்.

வரும் 29ம் தேதி திருக்கல்யாண வைபவம் நடைபெறும் என, ஹிந்து சமய அறநிலைய துறையினர் தெரிவித்துள்ளனர்.