கிளைச் சிறையில் கைதிகளுக்கான குடிநீர், கழிப்பறை, சுகாதாரம், சுற்றுப்புற துாய்மை உள்ளிட்டவற்றை பார்வையிட்டனர். கைதிகளுக்கு வழங்கப்படும் உணவு சுகாதாரமான முறையில் வழங்கப்படுகிறதா என, கைதிகளிடம் கேட்டறிந்தனர்.

மருத்துவர்கள் வருகை பதிவேடு, கைதி ஒப்படைப்பு பதிவேடு, பாரா புத்தகம், சிறை பதிவேடு, ஆயுத அறை, சமையல் அறை ஆகியவை ஆய்வு செய்யப்பட்டன. சட்ட சேவை மையம், கைதிகளின் நேர்காணல் அறை, சுற்றுச்சுவர் பாதுகாப்பு, நுாலகம் உள்ளிட்டவைகளையும் குழுவினர் ஆய்வு செய்தனர்.

ஆய்வின்போது, பொன்னேரி ஆர்.டி.ஓ., கனிமொழி, பொன்னேரி போலீஸ் உதவி கமிஷனர் சங்கர், திருவள்ளூர் சார்பு நீதிபதி சதீஷ்குமார், சுகாதார பணிகள் இணை இயக்குனர் அம்பிகா சண்முகம், பொன்னேரி தாசில்தார் சோமசுந்தரம் உள்ளிட்ட பல்வேறு துறை அதிகாரிகள் உடனிருந்தனர்.