கும்பாபிஷேக விழா கணபதி ஹோமத்துடன் நேற்று துவங்கியது.

இதையொட்டி, டி.ஆர்.கண்டிகை போத்துராஜா கோவில் அருகில் இருந்து, ஆந்திர மாநில விளையாட்டுத் துறை அமைச்சர் ரோஜா மற்றும் 150க்கும் மேற்பட்ட பெண்கள் கும்பாபிஷேகத்திற்காக சீர்வரிசை தட்டுகளுடன், மங்கள வாத்தியங்களுடன் ஊர்வலமாக சென்றனர்.

அமைச்சர் ரோஜாவை, கோவில் அறங்காவலர் குழுத்தலைவர் வேணுபாபு, கோவில் செயல் அலுவலர் ராமச்சந்திரய்யா ஆகியோர் வரவேற்றனர்.

அமைச்சர் ரோஜா கணபதி ஹோமமேடைக்கு வந்து சாஸ்திர முறைப்படி பூஜைகள் செய்து, வேதவிற்பன்னர்களின் கணபதி ஹோமத்தை துவக்கி வைத்தார். தொடர்ந்து அம்மனை வழிப்பட்டனர். தொடர்ந்து யாகசாலை பூஜைகள் நடந்தது.

வரும், 11ம் தேதி, நண்பகல், 11:30 மணிக்கு மகா கும்பாபிஷேகம் நடக்கிறது. ஏற்பாடுகளை அறங்காவலர் குழுத் தலைவர் வேணுபாபு மற்றும் கோவில் நிர்வாகம் செய்து வருகின்றனர்.