ஆடவரில் எட்டு அணிகள் 'லீக்' மற்றும் 'நாக் அவுட்' முறையிலும், பெண்களில் ஐந்து அணிகள் 'லீக்' முறையிலும் விளையாடின.

ஆண்களுக்கான இறுதிப் போட்டியில், பொள்ளாச்சி எஸ்.டி.சி., மற்றும் திருச்சி ஜமால் அணிகள் எதிர்கொண்டன. அதில், 25 - 18, 25 - 21, 25 - 20 என்ற கணக்கில் எஸ்.டி.சி., அணி வெற்றி பெற்று முதலிடம் பிடித்தது.

மூன்றாம் இடத்திற்கான போட்டியில், சென்னை சத்யபாமா அணி, 25 - 22, 25 - 18 என்ற கணக்கில் பனிமலர் அணியை வீழ்த்தி கைப்பற்றியது.

பெண்களுகான அனைத்து 'லீக்' ஆட்டங்களின் முடிவில், எஸ்.ஆர்.எம்., - ஜேப்பியார் அணிகள் இறுதிப் போட்டிக்கு தகுதிபெற்றன.

விறுவிறுப்பான இப்போட்டியில், எஸ்.ஆர்.எம்., அணி, 25 - 20, 25 - 19, 25 - 16 என்ற கணக்கில் ஜேப்பியார் அணியை தோற்கடித்து, சாம்பியன் கோப்பையை பெற்றது.

போட்டியில் வெற்றி பெற்ற அணிகளுக்கு, தமிழ்நாடு வாலிபால் சங்கத்தின் வாழ்நாள் தலைவர் அர்ஜுன்துரை பரிசுத்தொகைகளை வழங்கினார்.