கவரைப்பேட்டை அடுத்த பெருவாயல் பகுதியில் உள்ள டி.ஜெ.எஸ்., கல்வி குழும வளாகத்தில் நடந்த நிகழ்வில், கும்மிடிப்பூண்டி தி.மு.க., - எம்.எல்.ஏ., கோவிந்தராஜன் தலைமை வகித்தார். சிலம்ப பயிற்சியாளர்கள் கண்ணன், முருகானந்தம் ஆகியோர் முன்னிலை வகித்தனர்.

இதில், 501 மாணவ - மாணவியர், தேசிய கொடியின் வர்ணம் கொண்ட எல்.இ.டி., விளக்குகள் பொருத்தப்பட்ட சிலம்பத்தை, தொடர்ந்து ஒரு மணி நேரம் சுற்றி சாதனை படைத்தனர். இவர்களது சாதனை நோபல் உலக சாதனை புத்தகத்தில் இடம் பிடித்தது. பங்கேற்ற மாணவர்கள் அனைவருக்கும் உலக சாதனைக்கான சான்றுகள் வழங்கப்பட்டன.