அந்த வகையில், நடப்பாண்டிற்கான உற்சவர் முருகன் வீதியுலா, இம்மாதம், 26ம் தேதி நடைபெறுகிறது. அன்று, காலை 10:00 மணிக்கு உற்சவர் முருகன் மலைக்கோவிலில் இருந்து படிகள் வழியாக மேல்திருத்தணி நல்லாங்குளம் பகுதிக்கு சுமைதாரர்கள் கொண்டு வந்து, அங்கிருந்து அலங்கரிக்கப்பட்ட மாட்டு வண்டியில், குமாரகுப்பம் கிராமத்தில் அழைத்து செல்வர்.

பின், மாலை 6:00 மணிக்கு அங்குள்ள பெருமாள் கோவிலில் உற்சவருக்கு பால், பன்னீர், விபூதி, பஞ்சாமிர்தம், இளநீர் போன்ற பல்வேறு அபிஷேக பொருட்களால் சிறப்பு அபிஷேகம் நடைபெறும்.

அதை தொடர்ந்து சிறப்பு அலங்காரத்தில் வீதிகளில் உலா வந்து, இரவு 10:00 மணிக்கு மீண்டும் மலைக்கோவிலுக்கு உற்சவர் சென்றடைவர். இதற்கான ஏற்பாடுகளை குமாரகுப்பம் பொதுமக்கள், சுமைதாரர்கள் செய்து வருகின்றனர்.