அந்த வகையில் நடப்பாண்டில் வரும், 24ம் தேதி உற்சவர் முருகர் மலைக்கோவிலில் இருந்து படிகள் வழியாக மேல்திருத்தணி நல்லாங்குளம் வந்தடைவார். பின் அங்கிருந்து அலங்கரிக்கப்பட்ட மாட்டு வண்டி மூலம் மேல்திருத்தணி, முருகூர், குமாரகுப்பம் வழியாக அகூர் கிராமத்திற்கு சென்றடைவார்.

மாலை, 6:00 மணிக்கு அங்குள்ள அகத்தீஸ்வரர் கோவில் வளாகத்தில் உற்சவர் முருகப்பெருமானுக்கு விபூதி, பால், இளநீர், பஞ்சாமிர்தம் உள்பட பல்வேறு வகையான அபிஷேகம் நடைபெறும். அங்கிருந்து உற்சவர் முருகர் சிறப்பு அலங்காரத்தில் அகூர் கிராமம் முழுதும் திருவீதியுலா வந்து பக்தர்களுக்கு அருள்பாலிப்பார். இரவு, 11:00 மணிக்கு அகூரில் இருந்து மீண்டும் திருத்தணி முருகன் மலைக்கோவிலுக்கு வந்தடைவார்.