தமிழ்நாடு மின் ஊழியர் மத்திய அமைப்பின் வடசென்னை அனல் மின்நிலைய கிளையின் சார்பில் நடந்த போராட்டத்தில், ஏராளமான ஒப்பந்த தொழிலாளர்கள் பங்கேற்றனர்.

இதுகுறித்து ஒப்பந்த தொழிலாளர்கள் கூறியதாவது:

தமிழகத்தில் உள்ள அரசு நிறுவனங்களில், 10 ஆண்டுகளுக்கு மேல் பணியாற்றி வரும் ஒப்பந்த தொழிலாளர்களை பணி நிரந்தரம் செய்வதாக, கடந்த 2021 தி.முக., அளித்த தேர்தல் வாக்குறுதி எண்: 153ன்படி, கோரிக்கையை நிறைவேற்ற வேணடும்.

கடந்த 20 ஆண்டுகளுக்கு மேல், அனல்மின் நிலையத்தில் பணிபுரிந்து வரும் ஒப்பந்த தொழிலாளர்களை பணி நிரந்தரம் செய்ய வேண்டும். மின்வாரியத்தில் உள்ள 60,000 காலி பணியிடங்களை நிரப்ப வேண்டும்.

அனல் மின் நிலையங்களில் ஒப்பந்த தொழிலாளர்கள் இல்லை என, மின்துறை அமைச்சர் செந்தில் பாலாஜி கருத்தை திரும்ப பெற வேண்டும். கோரிக்கைகளை நிறைவேற்ற தவறினால், 2026 சட்டசபை தேர்தலை, ஒப்பந்த தொழிலாளர்கள் புறக்கணித்து, தி.மு.க., அரசுக்கு பாடம் புகட்டுவோம்.

இவ்வாறு அவர்கள் கூறினர்.