கும்மிடிப்பூண்டி அடுத்த ஆரம்பாக்கம் அருகே பூவலை கிராமத்தில் வசித்தவர் இதயத்துல்லா, 30, ஆந்திர மாநிலம், தடா பகுதியில் வாகனங்களுக்கான டயர் பஞ்சர் கடை நடத்தி வந்தார். நேற்று காலை பஜாஜ் பல்சர் பைக்கில் கடைக்கு சென்று கொண்டிருந்தார். சென்னை - கொல்கட்டா தேசிய நெடுஞ்சாலையில், ஆரம்பாக்கம் அடுத்த அரும்பாக்கம் சந்திப்பில், சென்னையில் இருந்து ஆந்திரா நோக்கி சென்ற லாரி, பைக் மீது மோதியது. இதில் இதயத்துல்லா உயிரிழந்தார்.

ஆரம்பாக்கம் போலீசார் விசாரித்து வருகின்றனர்.