இதில், சேதுவின் வலது கையில் பலத்த காயம் ஏற்பட்டது. உறவினர்கள் அவரை மீட்டு, திருவள்ளூர் அரசு மருத்துவக்கல்லுாரி மருத்துவமனையில் சேர்த்தனர். இதுகுறித்து கடம்பத்துார் போலீசார் வழக்கு பதிந்து விசாரித்தனர்.

போலீசார் விசாரணையில் தெரிய வந்ததாவது:

கடந்த ஜூன் மாதம் 23ம் தேதி, பேரம்பாக்கம் டாஸ்மாக் கடையில் ஏற்பட்ட பிரச்னையில், சேது மற்றும் முகேஷ் தரப்பினர் மோதிக் கொண்டனர். சேது தரப்பினர், களாம்பாக்கத்தில் வசிக்கும் முகேஷ் மற்றும் லோகேஷ் ஆகிய இருவரையும் வெட்டினர்.

இதில், இருவரும் படுகாயமடைந்தனர். இதற்கு பழிவாங்கும் நடவடிக்கையாக, இந்த சம்பவம் நடந்து இருக்கலாம்.

இவ்வாறு விசாரணையில் தெரியவந்தது.

சம்பவ இடத்திற்கு விரைந்து வந்த திருவள்ளூர் டி.எஸ்.பி., தமிழரசி, கடம்பத்துார் போலீசார் விசாரித்து வருகின்றனர்.